مقارنه بسيطه wordpress.com vs wordpress.org

Untitled-4
.
مدونتي كانت تمر بمشاكل كثيره في الفترة الي راحت
والمتابعين انحذفوا عن طريق الخطأ ما حذفت ولا بلكت أحد والله 
.
كنت أجرب شيء والحمد لله ان هالتجربه صارت من بدري وأنا رايقه لها وكنت حاطه ببالي انها تجربه قد تفشل.
بس أبي أوضح أن الناس صارت تستهين في تظليل بعض، عن طريق اعطاء مشوره أو نصيحه عن شيء معين
يكون بناء على تجربه طبعا ً، بس يغفلون السلبيات في الأمر لأن لهم عائد مادي لو أحد جاء عن طريقهم.
.
لك نسبه هاائله ممكن تكسبها لو سجل أحد في الاستضافه الفلانيه من رابط أنت أعطيته اياه.
علشان كذا ما صار فيه مصداقيه في النت، أغلب المواقع صارت تتبع هالطريقه وتدفع لناس تمدحهم.. وتلقى شخص عنده متابعين يروح يمدح لهم موقع أو شيء هو جربه بنفسه لكن يغفل السلبيات الي ممكن هو ما واجهها شخصيا ً بس هي موجوده وتحصل لأي شخص..
أنا مو ضد الكسب بهالطريقه عليهم بالعافيه، وأبدا ً أبدا ً مافيها شيء ولا ذره غلط
 لكن لاحد يخبي على الناس علشان يعبي جيوبه، ذكر السلبيات والايجابيات بكل صراحه ما بيضرك.. فيه ناس ما عندها مانع مع السلبيات المذكوره بس تبغى تحسب حسابها فقط..
.
.
بذكر بشكل بسيط الفرق بين wordpress.com و wordpress.org
wordpress.com هو الموقع الي يعطيك مدونه مجانيه أو تختار خطه حسب رغبتك تدفع رسومها وكل خطه لها مميزات أعلى من الي قبلها حسب استخدامك وحاجاتك..
عيب الموقع انك ما تقدر تعدل بحرية على قوالب الموقع ولا تقدر تحط إضافات كثيره.. لكن الحمايه مشموله في الموقع.. بالنسبه لي مافيه عيب إلا هذا ومن زماان كنت منبطحه في بلوجر لهذا السبب ..
الدعم الفني موجود للخطط المدفوعه، ممكن تتواصل معهم بمحادثة مباشره .. أو عن طريق الايميل أو عن طريق منتدى الدعم..
لو اشتركت في الخطه الثالثه Business، بتقدر تركب ثيمات واضافات على كيفك وفيه حريه كبيره.. لكن سعرها 25 دولار بالشهر، والدفع يكون لسنه كامله.. أدري ان الموضوع يستحق وفيه ناس بتقول انه مبلغ بسيط، بس ذكرت هالشيء لأن فيه ناس ميزانيتهم ما تسمح أو ما يبغون يرتبطون بشيء كبير..
 .
wordpress.org هذا ووردبرس نفسه بس انت تشيله معاك وتدبر نفسك تختار موقع استضافه تحط فيه قراشعك، ماراح أذكر أمثله للاستضافه لأني جربت واحد وتجربتي معاه ما كانت ساره..
ايش ميزة org؟ حريييه تااامه، كذا أبغى وسط مدونتي واحد يكنس <– كف
يعني الثيمات تغيرها على كيف أهلك، html و css والثيمات مفتوحه لك كلها مجانيه وأكثر من الي في .com.. الاضافات كثير بشكل يخوف، تنوع رهيب..
لكن، زي ما قلت، انت تدبر لك الاستضافه، والأهم من كل هذا انت تدبر لك حمايه وتدبر الدعم الفني والنسخ الاحتياطي وكل شيء ..
.
قالوا لي أنه أرخص الواحد يدفع مبلغ الاستضافه الرخيص ( 3 دولار في الشهر في بعض المواقع ) وياخذ حريته الكامله..
بس دققوا فيها، ممكن الواحد يقدر يخارج نفسه ويسد ثغرات ويشتغل بنفسه، بس مو للأبد.. مصيره يحتاج إضافة حمايه على الأقل.. وأسعارها غاليه فعلا ً.. بالمقابل wordpress.com لو دفعت الخطه الأخيره 25 دولار في الشهر مشموله الحمايه مع حرية في التنسيق والاضافات بيكون منطقي وآمن أكثر..
.
لو أحد ناوي على استضافه يتواصل معي وأقول له اسم الاستضافه الي تعاملت معها وطلعت سيئه جدا ً.. لأن الكل يوصي عليها ويمدحها وممكن الواحد يتوهق لو سمع كلامهم، الناس يمدحونها ويسوون لها شرح لأنه لو أحد سجل فيها عن طريقك يوصله مبلغ جامد، أكيد عاد بيمدحونها ويتغزلون بعد.. والمشكله يذكرون لك سلبيات قال لك مصداقيه، وتشوف السلبيات تلقاها عاديه ماحد عنده مشكله معها مثلا ً مافيه دعم فني يتحدثون العربيه ! .. يقنعون القارئ ان مافيه سلبيات.
.
.
.

 

Audible + Alexa

 

.
قبل شهور كان لي تدوينه عن الكتب المسموعه، ذكرت فيها تطبيقين جوال للكتب المسموعه وهي الي كنت أستخدمها من قبل لأنها مجانيه، بس بعدها غيرت التطبيقين واستبدلتها بتطبيق + جهاز
التطبيق/الموقع الي حولت عليه هو Audible .. وهو تابع لأمازون
Audible1-702x336
الكتب في أمازون أحيانا ً يكون لها صيغ مختلفه من ضمنها 
 Hardcover – Paperpack – Audible وفيه صيغ أخرى زي كندل بس بتكلم عن أهمها
.  
ا Paperpack هي النسخه الورقيه المعتاده في المكتبات عندنا 
.  
 Hardcover موجود عندنا برضو بس مب كل الكتب فيه منها هالصيغه.. يكون ورقي نفس الي فوق لكن 
بغلاف قوي.. وأحيانا ً يكون غلاف جلد ومزخرف ومغطى بغلاف ورقي ينشال لو حابين نشيله بس فايدته أتوقع حمايه
 الهاردكفر شكلها مثل هذا ( Link )
بالنسبه لي أعشق الكتب الهاردكفر، أشكالها دايم تفتح النفس ومغريه
 . 
 Audible هي نسخة مسموعه وتقدر تسمع صوت القارئ قبل لا تشتري علشان لو ما حبيت اسلوبه ما تتوهق
الفكره أنك تشتري الكتاب ويصير موجود في مكتبتك أو حسابك .. تقدر تحمل تطبيق على جوالك وتسمع الكتب الي في مكتبتك عن طريق الجوال
ولو عندك أجهزه مثل آيبود ممكن تعمل اقتران بين حساباتك في آيتيونز و أودبل.. وتنزل كتبك على الجهاز الي تبغاه، وفي ويندوز 10 تطبيق اودبل صار مفيد وتقدر تحمل منه كتبك بسهوله وبدون برامج ثانيه..
 . 
الميزه في Audible، لو اشتركت في عضويتهم المدفوعه يصير عندك كتاب مجاني تحمله كل شهر .. ا
بس لما تسجل في الموقع أول مره لمجرد تسجيل عضويه (تسجيل مجاني) يعطونك كتابين مجانا ً ا
ا( أي كتابين تخطر في بالك حتى لو كانت غاليه ) بس ينتهي العرض خلال شهر ولو ما حملت شيء تروح عليك خلاص
.  
تطبيقهم متوفر على الأبل ستور – الاندرويد – ويندوز 
.
.
.
audible-amazon-alexa
.
هذي Alexa
جهاز صغير ذكي يشتغل بالأوامر الصوتيه، (أليكسا صحيني بكرا الساعه 8) ( كم الساعه ) ا
ا (شوفي الطقس) ( اطلبي لي اوبر ) ( اتصلي لي على أمي ) وهكذا
لكن الأوامر تكون بالانجليزي + لازم تكون متصله بالانترنت طبعا ً، وتحتاج أول ما تشتريها انك تربطها بعضوياتك في أمازون وبعض مواقع الموسيقى والكتب الي تتوافق معها
فيه ناس يستخدمونها يشترون من أمازون، تعطيهم اقتراحات بعد هي وراسها المفلطح..
أليكسا صارت الطريقه الثانيه الي أسمع فيها كتب مسموعه لأن الصوت فيها واضح وأليكسا تحفظ فين وصلت في الكتاب علشان اكمل بعدين.. ا
لها أحجام أخرى، فايدة هالحجم انك ممكن تشتري منه أكثر من وحده وتحطها في باقي الغرف ويصير بيتك كله مشبوك عن طريق أليكسا، يفتح لك اللمبات ويطفيها أو يخفض الاضاءه حسب أمرك، يشغل الأجهزه الي تدعمها سواء الآن أو تضبط لها توقيت متى تشتغل ومتى تطفى، وكمان فيه توصيلات وملحقات تابعه لأليكسا الغرض منها ان العيش يكون أسهل..
أو يمكن ( أكسل ) ما اقتنعت بكل الملحقات، بس تبقى وجهة نظر ..
على فكره أليكسا شخصيتها فله، لو طلبتها تغنى بتغني لك، وتقول لك نكت (سخيفه طبعا ً) ..
مره ولد خالتي سألها “أليكسا، كيف حالك” راحت تقول له سالفه طويله، قال لك تفضفض يا حليلها
الورع ما يعرف انجليزي وما يدري وش تقول بس سألني وش معنى ( كيف حالك ) وقالها لها، وكمل طريقه وهي تتكلم..
فيه برضو (مهارات – Skills ) تحملها على أليكسا من أمازون (مجانيه)، مثلا ً صوت عصافير
هو للاسترخاء بس حطيته علشان أوز عصفوري الفله 
فيه خيارات ومميزات مالها حدود 
لكن طلب البيتزا أو طلب سياره أوبر هذي مب متوفره عندنا لأنها غير مدعومه هنا أصلا ً.. ا
هذي صفحتها على أمازون، بين فتره وفتره يصير عروض مجنونه وينزل سعرها للنصف ( هنا ) ا
كنت ضد هالجهاز وأفكر أننا مب ناقصين أشعه في البيوت ومن هالكلام، بس جاتني هديه من أخوي وانبسطت عليها..
ليش لا؟ جهاز عظيم، طالما أفصلها من الكهرباء وقت النوم أتمنى ما تكون مسببه أضرار كبيره ..
ا 

 

Rainmeter

*For English Version scroll down a bit* Requested by my dear Slashy/Frank ;D
صورة سطح المكتب لجهازي
لمستخدمي ويندوز 78 10
الشكل المعتاد لويندوز قد يكون ممل شوي لو كنت تستخدم ويندوز من أيام إكس بي أو قبله
سطح مكتب مستطيل فيه ملفات متناثره وتحت شريط فيه إبدأ والبرامج، وما أحتاج أذكر كيف أنهم زادوا الطين بله يوم حاولوا يغيرونه في ويندوز فيستا و8 
بالنسبه لي ويندوز نظام عظيم ما أبغاه يتغير كنظام، ولذلك من فتره كنت أستخدم برنامج يغير شكل سطح المكتب لكن بطريقه سهله وآمنه
بحيث يمديك نقفل البرنامج لو حسيت أنك مو فايق له حاليا ً
 . 
.  
.  
 . 
 الفكره أنك تضيف أدوات لسطح المكتب حسب احتياجك وذوقك، هذي بعض الأشكال من موقع ديفيانت آرت
 . 
تقدر تدمج بين أكثر من شكل، يعني لو عجبتك الساعه في الثيم الأول ومشغل الموسيقى في الثيم الثالث وخلفية الثيم الرابع ممكن تستخدمهم في ثيم واحد خاص فيك، هذا غير أنك أصلا ً مب ملزم بالخلفيات حقتهم، تقدر تحط خلفيه من عندك، وتقدر تخصص الثيمات براحتك
بعض الثيمات فيها مربع صغير لعرض صور، وبعضها فيها قفل للشاشه بس اعرفوا كلمة السر الافتراضيه للثيم قبل لا تقفلونه وتتوهقون
.  
بعد ما تثبت البرنامج وتحمل الثيم الي يعجبك اضغط عليه وراح يتفعل لك تلقائيا ً
ومن هناك تبدأ تعدل على راحتك
 . 
الي يواجه مشكله في التعديل أو التثبيت أو أي شيء يسأل في التعليقات
.  
وبس، هذا هو البرنامج الي أستخدمه لسطح المكتب من باب تغيير الجو
.  
 . 
This topic is for Windows 7810 users
.  
Using windows OS can be boring if you’re an old user
For me, I like windows as an operation system, but sometimes I want to change the look
so I found an app which allows you to add widgets and change the look without affecting the system
you can turn it off anytime you want, and your desktop is still there
 . 
 . 
 To see the Official website for the app – and you can see some themes at the end of the page 
 .
Few themes from DeviantArt.com
  .
You can make your own mix, for example you can use the clock widget from the first theme you installed, and the media player from the second theme, and the wallpaper from the third theme
 . 
btw you don’t have to use the wallpapers from the themes, you can apply your own from your computer
 . 
some themes have a screen lock, be carefull not to apply that theme before knowing the default password
  .
After you install the App, you can start downloading themes, but you need to click on each theme to install it.. after that you’ll be able to design your own desktop 
  .
if you have any questions about installing or using the app don’t be shy, just ask
  .

طريقة لتشغيل تطبيقات أندرويد على جهاز الكومبيوتر How to run your android applications on your PC

الهدف الرئيسي من هالتدوينه هو علشان ما تتفقع عيوننا واحنا نلعب ألعاب على الجوال 😑
البرنامج فكرته زي المحاكي للجوال، واجهة الأندرويد تظهر لك وفيها المتجر والقائمه والتطبيقات وكل شيء..
تحمل البرنامج من الروابط الي حطيتها تحت، تثبت البرنامج تثبيت عادي زي أي برنامج
تسجل دخول بحسابك (تحتاجه للمتجر) وتبدأ تستخدم البرنامج وتشغل التطبيقات كأنك تستخدم جوالك..
هالخدمه متوفره في برنامجين
الأول Andy
الثاني Bluestacks 
فيه برضو للآيفون والآيباد (ماجربته ولا عندي فكره عنه)
البرنامج الي جربته هو Andy وكان حلو فعلا ً، صار تعليق وكان يقفل اللعبه كل ما حاولت أضغط خيار معين فيها
بس غالبا ً المشكله من عندي وممكن لأن اللعبه جدا ً ثقيله..
بإمكانكم تجربون الاثنين وتشوفون الأنسب لكم ولأجهزتكم..
English Version
The main reason for writing this post is to prevent losing our sight when we
 play games in our mobile phones 😑
This application works as an emulator, it’ll bring the android interface into your pc desktop
you can use the store to download applications and run them normally
You need to download this emulator from one of these links:
Then just Install it , you’ll be able to run the app but you’ll need to register with your
gmail account to use the store.
and you’re done.
There’s another emulator which is for iPad but I haven’t use it
The one I’ve tried was “Andy” and I like it, I have a slight problem with the game I was playing
but it was probably my laptop
You can try them both to see what’s best for you
Enjoy – استمتعوا 

الهاكرز والكراكرز

 
هذي المعلومه سمعتها من فتره وما تعمقت فيها مع أنها موجوده على الانترنت بشكل مبسط للي مهتم يبحث
 
دايم نقول هاكرز عن الأشخاص المخربين في النت، يخترقون الأجهزه والحسابات و و و 
اكتشفت أن هالمصطلح غلط ..
 
الهاكر صحيح أنه يطلع ثغرات في الأنظمه ويدخل بدون صلاحيات وما إلى ذلك، لكن هو يصلح
هالثغرات والمشاكل، هذا الهاكر يسمى أيضا ً بخبير الأمان.
بينما الي يخرب شغل الهاكر المسكين هم الكراكرز 
لو لاحظتوا دايم نحمل برامج تكون أسعارها غاليه بس احنا نبغاها مجانيه، نروح نبحث عن كراك.
الكراك هو البرنامج الي ننتهك فيه حقوق البرامج..

المستفز في الموضوع أن أغلب الناس الي يتبجحون في النت ويقولون أنهم هاكرز دايم ماعندهم سالفه بهالأمور..
 يعني يجيك واحد يقول لنا باستمرار أنه هاكر، بس هو ما يعرف شيء، عنده برنامج أو آداة صغيرة يسرق عن طريقها 
الايميلات والحسابات، لكنه جااااهل في الهاكنغ والكراكنغ 😀 
 لقيت واحد زمان أيام المنتديات كان يسمي نفسه هاكر
وبعد فتره طويله طلبته يعلمني ولو معلومه وحده بس..
جلس الأخ يصرف ويلف ويدور ولا علمني ولا شيء.
 

للجامعيين، مايكروسوفت مجانا ً بشكل قانوني XD

 GetOfficeFree_Student_430x159

 

مايكروسوفت أوفيس تمنح الجامعيين حزمة مجانية من أوفيس
التسجيل بالإيميل الجامعي فقط 
 
الرابط والتفاصيل: هنا 
 
اسمعوني حبايبي.. العبوا على أخوانكم وخذوا أرقامهم الجامعيه واسرقوا نسختهم بدون ما يدرون.

2e09b-giphy

مدة تفعيل النسخه حتى يتخرج الطالب حسب ما أذكر.
 
 

حل مشكلة الحروف الناقصة في الطباعة من ملف بي دي اف – Missing letters when Printing from PDF

 
البعض -ومنهم أنا- واجهوا مشكلة الطباعة من ملف pdf
تظهر بعض الحروف ناقصه في الورقه مع أنها كامله في ملف الـpdf
مثلا ً كلمة Often تظهر O  en في الورقه المطبوعة أمامك
 
الحل الأول : الطباعة ببرنامج Adobe Reader بدلا ً من استخدام برنامج adobe acrobat
 
رابط البرنامج : هنا  أو هنا
 
 
الحل الثاني: من ملف pdf المطلوب طباعته نضغط على File 
بعدها Print 
نختار Advanced
من الخيارات نضع علامة صح على  “Print as Image
 
انتهى. أتمنى تفيدكم 
×××
To fix missing letters on printing from pdf
Like the word “Often” printed to be “O  ten” on the paper.
 
you have 2 solutions :
 
1- print the file using Adobe Reader instead of Adobe Acrobat 
to download the app click here or here
 
2- From the pdf you’re printing 
Click on File>Print
Click on “Advanced
check on the option:”Print as Image
 
That’s all, hope this will work