subscription boxes

3
.
من عام 2004 تقريبا ً، ظهرت “هبّه” تجاريه فكرتها عباره عن اشتراك مثل اشتراك المجلات والجرايد
بس يكون شهري وعباره عن صندوق بداخله بضائع تكون لها نمط “ثيم” معين 
المشترك ما يعرف محتويات الصندوق بالتحديد، تكون مفاجأه يعني.
لكن يعرف عدد القطع أو الأغراض، يعرف عن ايش تتمحور لأنه يختار الاشتراك حسب الثيم الي يبغاه
مثلا ً بضائع تجميليهبضائع أنيميشنبضائع لمحبي الكتبمحبين الزراعه إلخ.. 
.
الصناديق الحين أصبحت متنوعه بشكل كبير ومشهوره، أمثله على أفكار المواقع الي ممكن تشترك فيها :
أنواع صابون – عينات شاي فخمه – أنواع فريده وفخمه من القهوه – أدوات تفيد الكتّاب/المؤلفين –  منظمات الوقت – أعمال يدويه – فيري جاردن ..
.
1
.
أفضل موقع بالنسبه لي، اشتريت منه صندوق واحد، بدون اشتراك يعني، بعض المواقع تسمح انك تشتري صندوق الشهر هذا وخلاص، بدون اشتراك وتجديد..
الموقع ماخذ نمط الكتب، خاصة الخيالية وتصنيف الـYoung Adult ..
.
.
يرتبون الأغراض بطريقه حلوه، كل صندوق يحتوي من بين الأغراض على كتاب أو روايه غالبا ً تكون توها نازله.. وبعض المرات يكون كتاب بإصدار حصري.. والأهم بالنسبه لي انه Hardcover .. أحب الغلاف يكون صلب، شكله يكون أكشخ ..
.
5
.
هذي محتويات الصندوق
.
2.png
.
.
الكتاب يكون آخر شيء في الصندوق، ويكون داخل كيس قماش أسود فيه شعار الموقع، يحطون معه بوستر وفاصل كتب ثاني، وبطاقه ( السوداء الي في الصوره الي تحت ) فيها رمز، تقدر تدخله وتحصل رفيق القراءة الخاصه بك .. حلوه الحركه..
.
.
4.png
.
هنا (في الصوره الي تحت) الأغراض بشكل أوضح.. الشيء الي عاليمين أعلى الصوره قاعدة كوب فيها اقتباس من كتاب.. العلبه الي عليها قلعه من برا هذي باث بومب..
العلبه السوداء الدائريه فيها مقشر شفايف ريحته حلوه.. البوستر أو اللوحه الي فيها بنت هي ثيم الشهر، ومن ورا مكتوب محتويات الصندوق بالتفصيل.. المغلف الأسود الي مكتوب عليه wake up شاهي  
.
 6.png
.
.
..
قائمة ببعض الصناديق أو الاشتراكات
اضغط الصوره الخاصه بكل اشتراك علشان يفتح الموقع الخاص فيه، وترى فيه مئات الاشتراكات غيرها
.
.
loot crate 
lootcrate ischerzo.png
لوت كريت موقع كبير فيه أنواع متعدده من الصناديق، فيه اشتراك خاص لمسلسلات أو أفلام معروفه مثل Marvel أو اشتراك خاص بـ Harry potter
ممكن للألعاب، Fallout والنكد حق نهاية العالم..
ممكن بشكل عام تختار اشتراك ألعاب أو أنمي أو تخليه عام هم يجمعون كل شيء على بعضه ..
.
هذي قائمة الخيارات في موقع Lootcrate 
.
 loot crate.png
.
مب كل مواقع الاشتراكات تكون فيها خيارات.. بعض المواقع توفر ثيم واحد وخلاص..
مثل موقع Fairyloot الي اشتركت فيه وشفتوا الصور في أول التدوينه ..
.
.
.
Fairyloot
كل شهر ثيم، مثلا ً الشهر الي اشتركت فيه كان اسمه Save the kingdom .. 
fairyloot may 2018.png
.
.
.
Japan Crate
 ( صندوق حلويات يابانيه ) 
japan crate.png
.
.
.
Birchbox
اشتراك لمحبين الأدوات التجميلية
Birchbox.png
.
.
.
Bomibox
اشتراك أدوات تجميلية وعناية بالبشرة من كوريا 
bomibox.png
.
.
.
Noobie box
اشتراك للحوامل والأمهات الجدد
noobie box ischerzo.png
.
.
.
هذا اشتراك غريب وأحسه حلو.. اشتراك لجرائم..
يوصلك صندوق كأنه أغراض المجرم وأدله ضده، وانت تحاول تحل الغموض، فيه مجتمع كامل لهالاشتراك
تتواصل معهم
hunt a killer.png
بس مب أي أحد يقبلونه، وما يصلح لضعاف القلوب .. 
.
.
.
.
وأخيرا ً هذي 3 مواقع برضو للكتب، بعضها فانتزي وبعضها لا 
.

مقارنه بسيطه wordpress.com vs wordpress.org

Untitled-4
.
مدونتي كانت تمر بمشاكل كثيره في الفترة الي راحت
والمتابعين انحذفوا عن طريق الخطأ ما حذفت ولا بلكت أحد والله 
.
كنت أجرب شيء والحمد لله ان هالتجربه صارت من بدري وأنا رايقه لها وكنت حاطه ببالي انها تجربه قد تفشل.
بس أبي أوضح أن الناس صارت تستهين في تظليل بعض، عن طريق اعطاء مشوره أو نصيحه عن شيء معين
يكون بناء على تجربه طبعا ً، بس يغفلون السلبيات في الأمر لأن لهم عائد مادي لو أحد جاء عن طريقهم.
.
لك نسبه هاائله ممكن تكسبها لو سجل أحد في الاستضافه الفلانيه من رابط أنت أعطيته اياه.
علشان كذا ما صار فيه مصداقيه في النت، أغلب المواقع صارت تتبع هالطريقه وتدفع لناس تمدحهم.. وتلقى شخص عنده متابعين يروح يمدح لهم موقع أو شيء هو جربه بنفسه لكن يغفل السلبيات الي ممكن هو ما واجهها شخصيا ً بس هي موجوده وتحصل لأي شخص..
أنا مو ضد الكسب بهالطريقه عليهم بالعافيه، وأبدا ً أبدا ً مافيها شيء ولا ذره غلط
 لكن لاحد يخبي على الناس علشان يعبي جيوبه، ذكر السلبيات والايجابيات بكل صراحه ما بيضرك.. فيه ناس ما عندها مانع مع السلبيات المذكوره بس تبغى تحسب حسابها فقط..
.
.
بذكر بشكل بسيط الفرق بين wordpress.com و wordpress.org
wordpress.com هو الموقع الي يعطيك مدونه مجانيه أو تختار خطه حسب رغبتك تدفع رسومها وكل خطه لها مميزات أعلى من الي قبلها حسب استخدامك وحاجاتك..
عيب الموقع انك ما تقدر تعدل بحرية على قوالب الموقع ولا تقدر تحط إضافات كثيره.. لكن الحمايه مشموله في الموقع.. بالنسبه لي مافيه عيب إلا هذا ومن زماان كنت منبطحه في بلوجر لهذا السبب ..
الدعم الفني موجود للخطط المدفوعه، ممكن تتواصل معهم بمحادثة مباشره .. أو عن طريق الايميل أو عن طريق منتدى الدعم..
لو اشتركت في الخطه الثالثه Business، بتقدر تركب ثيمات واضافات على كيفك وفيه حريه كبيره.. لكن سعرها 25 دولار بالشهر، والدفع يكون لسنه كامله.. أدري ان الموضوع يستحق وفيه ناس بتقول انه مبلغ بسيط، بس ذكرت هالشيء لأن فيه ناس ميزانيتهم ما تسمح أو ما يبغون يرتبطون بشيء كبير..
 .
wordpress.org هذا ووردبرس نفسه بس انت تشيله معاك وتدبر نفسك تختار موقع استضافه تحط فيه قراشعك، ماراح أذكر أمثله للاستضافه لأني جربت واحد وتجربتي معاه ما كانت ساره..
ايش ميزة org؟ حريييه تااامه، كذا أبغى وسط مدونتي واحد يكنس <– كف
يعني الثيمات تغيرها على كيف أهلك، html و css والثيمات مفتوحه لك كلها مجانيه وأكثر من الي في .com.. الاضافات كثير بشكل يخوف، تنوع رهيب..
لكن، زي ما قلت، انت تدبر لك الاستضافه، والأهم من كل هذا انت تدبر لك حمايه وتدبر الدعم الفني والنسخ الاحتياطي وكل شيء ..
.
قالوا لي أنه أرخص الواحد يدفع مبلغ الاستضافه الرخيص ( 3 دولار في الشهر في بعض المواقع ) وياخذ حريته الكامله..
بس دققوا فيها، ممكن الواحد يقدر يخارج نفسه ويسد ثغرات ويشتغل بنفسه، بس مو للأبد.. مصيره يحتاج إضافة حمايه على الأقل.. وأسعارها غاليه فعلا ً.. بالمقابل wordpress.com لو دفعت الخطه الأخيره 25 دولار في الشهر مشموله الحمايه مع حرية في التنسيق والاضافات بيكون منطقي وآمن أكثر..
.
لو أحد ناوي على استضافه يتواصل معي وأقول له اسم الاستضافه الي تعاملت معها وطلعت سيئه جدا ً.. لأن الكل يوصي عليها ويمدحها وممكن الواحد يتوهق لو سمع كلامهم، الناس يمدحونها ويسوون لها شرح لأنه لو أحد سجل فيها عن طريقك يوصله مبلغ جامد، أكيد عاد بيمدحونها ويتغزلون بعد.. والمشكله يذكرون لك سلبيات قال لك مصداقيه، وتشوف السلبيات تلقاها عاديه ماحد عنده مشكله معها مثلا ً مافيه دعم فني يتحدثون العربيه ! .. يقنعون القارئ ان مافيه سلبيات.
.
.
.