أنماط الرسم الي نميل لها

 

.876543
.
خلال الفتره الي راحت حاولت أرجع أرسم وأبحث عن نمط يعجبني علشان أستمر عليه..
جربت أنماط كثير وللأسف أمشي حبتين وأبدأ أطفش وأشوفه مو جوّي..
وطبعا ً مشكلتي اني نادرا ً ما أكمل رسمه للآخر، خاصه اذا كنت أجرب شيء جديد خلاص أوصل للي أبي وأوقف 😗
.
الكلام التالي لحد الرسمه موجه للي مهتمين بالرسم ومستواهم باقي مبتدئ مثلي أو يبحثون عن اسلوب خاص فيهم..
أنواع الرسم كثيييير وبعد ما يحصل الواحد نوع مناسب بيبدأ يمشي لحد ما يحصل له بصمه خاصه ومميزه لرسمه
غلط نبدأ نبحث عن نمطنا أو اسلوبنا الخاص من البدايه، فيه ناس ما يحصلونه إلا بعد سنوات..
غلط برضو ان الواحد يستعجل نفسه انه يتطور أو يحصل اسلوبه الخاص ويبدأ يحس أنه ما أنجز شيء !
قبل فتره صار تغيير جذري في رسمي بشكل غريب وبدون سبب، لقيت نفسي أقدر أرسم أجسام ووضعيات ما كنت أعرف حتى أتخيلها..
رحت ضغطت على نفسي وطمعت اني أشوف تطور سريع آخر بنفس سرعة التطور الي قبله..
مع الوقت لقيت نفسي مو متعلقه بالرسم ومالي نفس أرسم وفقدت التطور الي وصلت له ! ماعاد أقدر أرسم الأجسام .. غلط انك تجمع دروس كثير ودورات أو تتابع قنوات وحسابات كثير وتبدأ تضغط على نفسك وكأن السالفه إجباريه..
.
مافي شيء فعال أكثر من الممارسه في تطوير الرسم.. وأنا آخر من يتكلم لأني أستمر وأنقطع .. بس حاطه كراسه وقلم قريب من لابتوبي علشان لو حسيت اني راح أنشغل وما أفتح تابلت الرسم أطلع هالكراسه وكل شوي أرسم أي شيء، عين، أنف، شعر أو وضعية جسم معينه وخلاص..
 .
الممارسه مهمه وطبعا ً مو معناها ما نشوف دروس، بس المهم الواحد ما يضعط على نفسه..
للآن ما حصلت لي ستايل رسم خاص فيني ولا أعتقد اني قربت حتى، بس عادي المهم أرجع أستمتع وآخذ الأمور ببساطه.. ولو ما تطور اسلوبي عادي، قبل سنوات ما كنت أقدر أرسم بنفس مستواي الآن، وهذا بحد ذاته ينحط في الحسبان، من طفولتي كنت أرسم بس يكون قدامي شيء أرسمه أما الآن ممكن أرسم شيء من عقلي..
.
.
ischerzo 2
.
هالرسمه كنت راسمتها بعد انقطاع بس خلال الانقطاع كنت أتابع دروس نظري بدون تطبيق..
هالشيء إرضاء لضميري بس في الواقع ماراح يتطور مستوى الشخص وهو متكي 🙄 .
 .
.
الي بعدها كنت أحاول أدمج بين الرسم الواقعي والأنمي، ما أحب الواقعي 100% وما استمتعت برسم ستايل الأنمي 100%
ودايم تجذبني الرسمات الي تكون نص ونص.. ما كملت طبعا ً، كنت أطبق كم شغله تعلمتها وقفلت 😬
 .
 .
آخر رسمه رسمتها اليوم، أجرب شلون أرسم الأنف، أبغى أوصل لمستوى لا بأس به علشان أنتقل لشيء آخر أتعلمه..
غالبا ً بيكون الشيء الجاي الي أطوره هو الشفايف لأن رسمي لها زي ما هو واضح من جنبها، ما تابعت دروس ولا تدربت عليها كثير بس كان لازم أرسمها علشان أعرف وشلون بتطلع الرسمه..
.
ischerzo 3
.

مفروض أضيف تفاصيل لأن الأنف مب مكتمل بهالشكل، بس بالنسبه لي مكفيني هالقدر للآن.

.

قررت ما أرفع رسمات على موقع ديفيانت آرت لأنه أصبح مجتمع مقزز مؤخرا ً، تفكيرهم في انحدار والرسمات الي تميل للاباحيه والتخلف والمرض بدأت تكثر، ومن الأساس ما كنت مهتمه بحسابي ولا أتفاعل مع أحد غير صديقه وحده.. أبحث عن موقع يكون فيه مجتمع كويس ناس يرسمون مب ينزلون بورن وشغلات مقززه

 .

5 thoughts on “أنماط الرسم الي نميل لها

  1. حبيت كثير موضوعك ورسمك جميل ماشاءالله .. ذكرتيني بأختي هي تحب ترسم جات فترة انقطعت بسبب عيالها وكذا والحين رجعت رجعة حلوة ما أقولك انها رسمها خرافي ولكن كبداية يعتبر جدا ممتاز .. ودايم اشجعها ..

    عندكم موهبة جميلة ماشاء الله كنت زمان ارسم وتوقفت بس الحين متجهة اكثر للتصوير

    Like

    1. تسلمين داليا ❤ يسعدني انها عجبتك
      مرات يكون الانقطاع شي حلو لأن الواحد يجدد أفكاره شوي، أتمنى توصل اختك للمستوى الي تطمح له وماتضطر تقطع مره ثانيه

      لو قرأت ردك قبل شهور كنت بقول لك حرام تفرطين بالرسم، بس مؤخرا ً اكتشفت انه شيء جيد نترك بعض المهارات علشان نركز ونطور مهارات ثانيه، خاصة ان تصويرك حلو وحاسه انك تستمتعين فيه جدا وتتفننين 👌🏽
      حلو ان الواحد يعرف الهوايه الي تسعده وتطلع قدراته

      Like

  2. رغم اني ما ارسم بالمره الا اني اتذوّق ويمكن اتنفس الصور والرسومات في كل مكان .. احب الناس اللي يرسمون واحب اتأمل رسماتك مهما تشوفينه انتي صغير او مجرد تعلم 🤩💓 حبيت الرسمة الاولى تعبير نظرتها رقيق وبريئ ✨
    Ghada

    Like

    1. تسلمين غاده 😍😍😍❤️❤️ جد انبسطت انها عجبتك ✨✨✨ أثق برأيك 👌🏻❤️

      Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.