Heal your body – Decide to change

المره الي راحت كتبت نبذه بسيطه عن نظام الماكروبيوتك خلال كلامي عن الأنظمة الغذائية السليمه
هالمره بكتب نبذه عن نظام آخر قبل ما أكمل كلامي، أبي كل شخص يقرر النظام المناسب له
كلها تتشابه بشكل كبير بس كل واحد يتبع الي يقتنع فيه بعد ما يبحث ويقرأ
 .
 .
 نظام غيرسُن 
 .
معروف بفعاليته في العلاج من أمراض قاتله.. مبتكر النظام اسمه ماكس غيرسن، الي ماسكه المؤسسه الآن هي بنته تشارلوت، عمرها تقريبا ً 95 ولازالت صحتها أطلق من الشباب.. ما تعاني من مشاكل، تعالج ناس يجونها بحالات مستعصيه
النظام هذا له كتب اون لاين مثل (هذا الكتاب) الي يقود مريض السرطان خطوة بخطوة إلى التشافي
الي يحب يعرف أكثر عن نظام غيرسن يبحث عنه علشان ما أطول السالفه، بس لما أكتب لكم معلومات ثقوا أني 
اتكلم عن أغلب الأنظمه وأدمج بين الحاجات الكويسه في كل نظام مب بس نظام واحد.. فأنتم اعملوا الي يريحكم بس خلوكم أشناب واستمروا
 .
 .
الشيء المشترك بين الأنظمه الغذائيه الفعاله (مثل الماكروبيوتكغيرسن – وغيرها من الأنظمه) أن فيه لها مستويين
مستوى أولي ، يكون عالي وصعب شوي وهو مخصص للعلاج من الأمراض، أو لتنظيف الجسم من كل الأضرار الي سويتها فيه على مر السنين بحيث تبدأ بعدها تنتقل لنظام صحي ويصير التنظيف هذا بين فترات متباعده،لأن التغيير وحده ما ينفع لو جسمك لسى من داخل يحتضر
التنظيف له طرق مختلفه، مثلا ً الصوم وهو مختلف عن صومنا طبعا ً، أو استعمال مشروبات معينه تنظف جسمك، فيه طرق كثير بس مب الحين نتكلم عنها.. لأني أعتقد أن تعلم هالنظام والتعود عليه أفضل، لو بدأت بدايه جديه وأنت لسى مو فاهم كل شيء وبعدين فشلت أو ما فهمت وضعك راح تلاقي صعوبه في أنك تبدأ مره ثانيه وبتصير الشغله لعبه
المستوى الآخر  هو للحياه اليوميه، خلال هالمستوى مافي مانع أنك تضيف لأكلك حاجات كانت ممنوعه، مثل الشوكولاته (خام) وهكذا.. هذا الشيء حلو، لأن بالعاده احنا نقرأ حاجات وننصدم نحسب أننا لو اتبعنا نظام غذائي سليم ماراح نقدر عليه
بس الحقيقه أن أغلب الأمور الغير منطقيه ( مثل إيقاف بعض أنواع الفواكه ) تكون مخصصه لمرحلة التنظيف أو العلاج
 .
.
 .
من ضمن الأخطاء الي نسويها في حياتنا اننا نكرر الأكل الصحي نفسه
مثلا ً بعض البيوت يشترون برتقال وتفاح وموز وما يخلى بيتهم منها كفواكه.. والخضار طماطم / خيار / خس / كزبره / كوسه / باذنجان ومدري وش معها قرابع، وكذا خلاص هذي هي خضارنا وفواكهنا للأبد.. مره في القرن ممكن نشوف رمان أو كرز ونضيفه للمقاضي ونرجع بعدها لقائمتنا المعتاده
الفوائد تختلف من نبته لنبته، نحتاج تنويع، هالمره لما ننزل نشتري مقاضي لازم نركز على حاجات معينه ومب لازم نقش السوق كله بس لازم المره الي بعدها لما نشتري المقاضي نركز على حاجات مختلفه عن المره الي قبل، جسمنا يحتاج تنويع، كميات قليله من أنواع كثيره
برضو الي عايشين في مدن كبيره عندهم فرصه أكبر لأن المقاضي تكون اسبوعيه، لما يصير عندنا جدول للوجبات ونرتب أمورنا بيصبح موضوع المقاضي شيء سهل علينا لأننا عارفين وش راح نطبخ ووش راح نحتاج
 . 
 . 
ناويه بإذن الله أشترك في موقع يرسل لي جدول وجبات صحيه قائمة على نظام الماكروبيوتك تكفي لشهر
ويعلمونك المقاضي الي تحتاجها لهالجدول
الغرض منه اني ابي أفهم طريقتهم وأتعلم منها وممكن تساعدني أرتب أفكاري أكثر حول هالموضوع
 . 
 . 
الي مفروض نبدأ فيه الحين واحنا بهالمستوى ( خلينا نقول اننا مبتدئيييين جدا ً ونبغى نبدأ حبه حبه )
نبدأ نستمتع بأكلنا حبه حبه واحنا مقرّين في أنفسنا أنها آخر فتره نستهبل فيها بهالشكل، راح نستمتع بالأكل 
لكن نخلي عقولنا وأجسامنا تستعد أنها تتغير قريب.. <– كثير يبون يجلدوني وكثير ودهم يبوسون راسي 
بس صدقوني هالأسلوب فعال، المعرفه والوعي كافيه هالفتره مؤقتا ً، لاحظت نفسي امتنعت عن حاجات كثير بإرادتي مع أني لسى ما حولت نظامي 100% بس أغلب الحاجات الي آكلها تكون بناء على النظام الجديد
 . 
لكن !! حطوا في بالكم أنكم راح توقفون هالحاجات وراح أكتب أضرارها لما يجي وقتها
– المعجنات وأي شيء من الدقيق والقمح حتى لو دقيق بر ما ينفع، الرز الأبيض برضو
– اللحوم بكل أنواعها، فيه ناس يحسبون الدجاج مب لحم
– الأجبان ومشتقات الحليب (راح نتوصل لتسويه مع أنفسنا ونترك لنا حليب القهوه مره وحده باليوم بمقدار معين)
.  
لا تخافون ماراح يكون دفعه وحده.. ولا تقولون وش ناكل أجل؟، فيه خير كثير
ولأن رمضان جاي، أتحدى أحد يبدأ نظام صحي في حياته ويكون في رمضان بعد ! 
 .  

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

w

Connecting to %s

This site uses Akismet to reduce spam. Learn how your comment data is processed.