موقع عُلّمنا + فكرة “شُجيرة الورد”

هذي اول تدوينه لي على ووردبرس بعد ما شلت عفشي من بلوجر
بحاول أصير كفو وأتقبل التغيير زي ما تقبلت ويندوز 10 مع أن 7 كان شغال تمام معي..
  
.
قبل كل شيء هذا موقع ظريف للي يحبون النوع التحفيزي والتوجيهي من الكتب والمقالات ( علمنا )
أنا وقفت قراءة هالنوع من الكتب من 10 سنوات تقريبا ً.. بس لفت انتباهي بهالموقع مقالتين 
واحده منها جات في الصميم وأنا أفكر في موضوع معين شاغل عقلي..
.
.

مؤخرا ً أنا فقدت اهتمامي بكمية ضخمه من الهوايات دفعة وحده وبدون سبب واضح.. ماصرت أسوي شيء..

بس علشان ينفهم قصدي بـ(كمية ضخمه) وينفهم مصطلح ( شجيرة الورد) راح أكتب بعض هالهوايات والنشاطات  

– الكتب الي كنت أقرأها وقفتها في أي سطر وأي صفحه بنص سالفه
– الأفلام الي حاشره لابتوبي سحبت عليها كلها، بعضها شفت ربعها أو نصها كمحاوله اني أندمج وأكمل..
– الرياضه برضو، سيفون جامد
– الأنمي من فتره طويله ما تابعته (مع أن فيه بعضها مب مكتمل ونفسي أعرف وش صار)
– التلفزيون الي كان يعتبر بالنسبه لي نشاط ممتع لما أجلس مع أمي
– الاهتمام بصحتي وأكلي وقفته <– كان عندي تجربه أسويها لنظام غذائي يصنع المعجزات حسب الي قريته
– كنت في نص تعلم لغة جديده غير الانجليزيه، وقفتها بوسط الكورس
– تدوينات كثير كنت ناويه أكتبها وسحبت
– ألعاب فيديو فلتّها بالنص ما كملتها 
– نباتاتي الي عالشباك راحوا فيها أيام البرد والحين الجو مناسب أحط لها مواد وخرابيط تساعدها بس ماتحركت..
 
 
^ هذا كله ما يجي ربع الحوسه الي كانت بعقلي
وهالأسبوع كنت زعلانه وأقول ليش أنا كذا كسلانه ما أسوي شيء (حرفيا ً ولا شيء)؟ ورحت أشوف هالمقاله الي بهالموقع
وكانت تتكلم عن هذا الشيء بشكل خاص 
 
باختصار، الآدمي “ترافيس دوميرت” يقول أن حياتنا زي شجرة الورد، والأفكار زي براعم الورد الي تطلع بهالشجرة..
ومعروف أن شجرة الورد ما تنترك كذا بدون تقليم وقص، لأنها راح تموت لو تفرعت بكل الاتجاهات
نفس الشيء أفكارنا الفلّه لازم نهدئ من روعها وما نجبر أنفسنا نسويها كلها، استغنى عن بعض أفكارك علشان تنجح 
باقي الأفكار، بدل ما تخسر كل أفكارك..

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.