Nonogram

تطبيق جوال ما يحتاج انترنت 
لعبه هاديه جدا َ والخلفيات فيه رايقه

اللعبه أساسا ً ألغاز من نوع معين اسمه nonogram
فيه مربعات وأرقام انت تعبيها حسب الترتيب الصحيح علشان تظهر معك الصوره الكامله
يفترض كل ما حليت صوره كامله تحصل على تكمله للقصه

قصة اللعبه عن حبيبين ماتوا بس لأنهم قطعوا وعد يكونون مع بعض رجعوا للعالم في حياة أخرى بصورة ذئب وغزال

الي يحب يعرف معلومات أكثر عن ألغاز النونوغرام هذا الرابط من ويكيبيديا
وهذا مقطع فيديو يحل ويشرح للي يبغى يستمتع باللعبه وبس – هنا

روابط اللعبه

app store ) ( play store )

موقع عُلّمنا + فكرة “شُجيرة الورد”

هذي اول تدوينه لي على ووردبرس بعد ما شلت عفشي من بلوجر
بحاول أصير كفو وأتقبل التغيير زي ما تقبلت ويندوز 10 مع أن 7 كان شغال تمام معي..
  
.
قبل كل شيء هذا موقع ظريف للي يحبون النوع التحفيزي والتوجيهي من الكتب والمقالات ( علمنا )
أنا وقفت قراءة هالنوع من الكتب من 10 سنوات تقريبا ً.. بس لفت انتباهي بهالموقع مقالتين 
واحده منها جات في الصميم وأنا أفكر في موضوع معين شاغل عقلي..
.
.

مؤخرا ً أنا فقدت اهتمامي بكمية ضخمه من الهوايات دفعة وحده وبدون سبب واضح.. ماصرت أسوي شيء..

بس علشان ينفهم قصدي بـ(كمية ضخمه) وينفهم مصطلح ( شجيرة الورد) راح أكتب بعض هالهوايات والنشاطات  

– الكتب الي كنت أقرأها وقفتها في أي سطر وأي صفحه بنص سالفه
– الأفلام الي حاشره لابتوبي سحبت عليها كلها، بعضها شفت ربعها أو نصها كمحاوله اني أندمج وأكمل..
– الرياضه برضو، سيفون جامد
– الأنمي من فتره طويله ما تابعته (مع أن فيه بعضها مب مكتمل ونفسي أعرف وش صار)
– التلفزيون الي كان يعتبر بالنسبه لي نشاط ممتع لما أجلس مع أمي
– الاهتمام بصحتي وأكلي وقفته <– كان عندي تجربه أسويها لنظام غذائي يصنع المعجزات حسب الي قريته
– كنت في نص تعلم لغة جديده غير الانجليزيه، وقفتها بوسط الكورس
– تدوينات كثير كنت ناويه أكتبها وسحبت
– ألعاب فيديو فلتّها بالنص ما كملتها 
– نباتاتي الي عالشباك راحوا فيها أيام البرد والحين الجو مناسب أحط لها مواد وخرابيط تساعدها بس ماتحركت..
 
 
^ هذا كله ما يجي ربع الحوسه الي كانت بعقلي
وهالأسبوع كنت زعلانه وأقول ليش أنا كذا كسلانه ما أسوي شيء (حرفيا ً ولا شيء)؟ ورحت أشوف هالمقاله الي بهالموقع
وكانت تتكلم عن هذا الشيء بشكل خاص 
 
باختصار، الآدمي “ترافيس دوميرت” يقول أن حياتنا زي شجرة الورد، والأفكار زي براعم الورد الي تطلع بهالشجرة..
ومعروف أن شجرة الورد ما تنترك كذا بدون تقليم وقص، لأنها راح تموت لو تفرعت بكل الاتجاهات
نفس الشيء أفكارنا الفلّه لازم نهدئ من روعها وما نجبر أنفسنا نسويها كلها، استغنى عن بعض أفكارك علشان تنجح 
باقي الأفكار، بدل ما تخسر كل أفكارك..

goosebumps! – Free Offline Game for Android and IOS

روابط اللعبة – Links
 
من زمان ما حطيت الألعاب الي ما تحتاج انترنت 😎 ألعاب العزايم أو الانتظار الممل ..
بس هالمره ما ينفع تلعبون هاللعبه في مكان انتظار أو عزيمه للقضاء على الملل زي ما كنت أقول لكم ..
لأنه بيقوم كم كف وكم بقس من الموجودين حواليكم..
اللعبه تصنيفها رعب، تفجع وتوتر بس حلوه، حاولوا تجربون قبل لا تحكمون عليها 👌
فكرتها انكم تمشون في الظلام في غابه مليانه وحوش (وأظن شفت وسمعت زومبيز ) وعناكب عملاقه ومهرجين 
وبنات *** أقصد أشباح بنات يغنون ويضحكون لحالهم في الظلام..
ماراح تشوفون شيء طبعا ً، ظلام دامس وكل شوي يجي برق وتشوفون الطريق وتحاولون تلاقون صندوق الموسيقى
اللعين .. اللعبه تعتمد على الأصوات، في بداية اللعبه مكتوب أنه يستحسن تستخدم السماعات (بس أنا ما أنصح تجنبا ً للسكته القلبيه) 
   
 
أحيانا ً إذا خسرتوا تطلع صور مزعجه شوي، يعني رسمة بنت وفيها دم ومن هالكلام، يعني حبيت أنبه من الحين لو أحد يتضايق..
مع الوقت تصير تضحك من جد، لعبتها أول مره وأنا في مقهى مع خالاتي وكنا جالسين نجرب اللعبه أنا وبنت خالتي
وما كنا نعرف وش السالفه، وأنا رفعت الصوت عالأخير علشان أسمع صوت صندوق الموسيقى 
وفجأه خسرت والبنت الي في اللعبه صرخت صرخه مدويه في أرجاء المكان كله 😂
أنا خفت من خالاتي واستعديت أسمع عبارات زي ( استحوا على وجيهكم وين قاعدين ) ( سلمات وش خليتوا للبزران )
شوي لقيتهم يطالعون للدور الثاني على بالهم فيه بنت تصرخ فوق 😂😂😂😂 أشكالهم كانت تحفه هههههههههههههههههه
استمتعوا 💗
 

The Tell-Tale heart

 

 Edgar Allan Poe – إدغار ألن بو 
 .

(owner of this image? please contact to add credit) 
ما كنت أعرف عن هذا الشخص إلا اسمه وما كنت أذكر فين سمعته أو أي معلومات عنه
لحد ما درست آخر سنه في الجامعه، كان فيه نبذه في أحد المناهج عنه بالاضافه إلى واحده من روايته
صارت هالروايه من الحاجات الي أنبسط إذا جات ببالي
لأنها قصه عجيبه وغريبه وكل شخص يقرأها راح يشوفها من زاويه مختلفه عن الثاني.
 اسم روايته الي أقصدها  The Tell-Tale heart / “القلب الواشي” وهي قصه قصيره جدا ً

تستغرب لما تخلصها من كثرة الأفكار والمشاعر الي تجي ببالك بعد قراءة نص قصير زي هذا.

روايته مكتوبه ومترجمه في هذا الرابط ( هنا )

أشعة خطيره على الأرض

هذي الرساله وصلتني اليوم:
اليوم من الساعة الثانية عشرونصف بعد منتصف الليل الى الثالثة والنصف صباحا تأكد من اغلاق التليفون والمحمول والتابليت الخ…. ووضعهم بعيدا عن جسمك.
تليفزيون سنغافورة  اعلن هذا الخبر  رجاء ابلاغ  عائلتك واصدقائك . الليلة من ١٢،٣٠ الى٣،٣٠ صباحا سيتعرض كوكبنا لاشعاع عالى جدا. الاشعة الكونية ستمر بالقرب من الارض ولذا من فضلك اغلق تليفونك الجوال ولا تتركك جهازك قريبا من جسمك لان يمكنه التسبب فى اضرار بشعة. راجع جوجل وناسا واخبار البى بى سى . ارسل هذه الرسالة لجميع من يهمك امره .. منقول
  يا حبذا تصححون المعلومه إذا وصلتكم  

1-في البدايه دخلت موقع ناسا وأخبار البي بي سي ومافيها أي طاري للموضوع
قلت يمكن فيه خبر مشابه وفيه أحد ترجم الخبر غلط عالأقل، بس طلع مافيه !!

2-  هالخبر انتشر عام 2008 وكان كل كم سنه يرجع ينتشر عند الغرب في البدايه.. 
للأسف دوبه يوصلنا، حتى الفقش متأخرين فيه 😂 

3- راح أشرح بشكل بسيط: الأرض تتعرض لهجوم وأشعه طوال الحياه بس الغلاف الجوي والمجال
 الكهرومغناطيسي  للأرض متشكل بطريقه تبعد هالأشعه.

4- الأشعه المذكوره في الرساله الأصليه (النص الانجليزي) هي أشعه صادره من كوكب المريخ..
بس هالنوع من الأشعه أصلا ً ما يصدر إلا من النجوم، يعني كوكب المريخ ماراح يقدر يصدر أي أشعه..
^
شرح بدائي بسيط لأن الناس الي تحب ترسل هالخرابيط بالعاده ما تحب تقرأ تفسيرات طويله


بالنسبه للأشعه .. أصلا ً تقفيل الجوال في الليل ضروري والأجهزه كلها تنفصل من الكهرباء
مب علشان المريخ بس لأننا نحتاج ننام بهدوء وهذا الشيء يفرق .
أعترف اني ما أقفل الجوال هالفتره بس أحطه وضع الطيران لحد ما أشتري لي منبه ما يسبب صمم .
 باقي الأجهزه تنفصل من مكانها 

Using Essential Oils / Diffusers as a bird owner.. الطريقه السليمة لاستخدام الزيوت العطريه ومعطرات الجو إذا كنت مربي طيور

هالتدوينه تخص الي عندهم طيور أو ناوين يشترون طيور، بخليها مرجع لأي أحد يسأل..
انزلوا تحت الأسطر الي بالانجليزي 
.
oz budgie ischerzo
.
For English please read from the sources  ( link here ) and ( here )
Note that using candles, essential oils and air fresheners are harmful for your birds,
in fact, all kinds of strong smells do, like paint spray, acrylic colors, nail polish etc.. 
you can read about it online..
.
But in these links you’ll find safe way to benefit from essential oils -mainly therapeutic- 
without harming your bird, please read it carefully and ask if you’re not sure what kind
 of oil / diffuser you should use..
 .
I know some of you might say (simmer cinnamon and orange peel in water with bla bla bla)
 which is natural and safe and can be a good idea
But I don’t want. If there’s another safe way why can’t I use it? don’t be always a stick in the mud.
stop trying to hush people when they ask about safe essential oils for birds by saying ( Nature doesn’t have essential oils, then you shouldn’t let it near your birds ) Stop please..
Some people Needs essential oils for serious issues, anxiety or headache or panic attack or whatever. in my case I use them to relax when I’m anxious..
 .
 photo-1515377905703-c4788e51af15 (1)
 .
المعلوم أن الزيوت العطريه والفواحات ومعطرات الجو البخاخ والبخور والعطور والروائح القويه بشكل عام مؤذيه للطيور
وأنا كنت متعوده قبل لا أجيب أوز ( طير البادجي الي عندي ) على الشموع الي فيها روائح عطريه لأني أروق وأحسها 
شيء حلو يغير المود
( هذا غير أن فيه ناس يستخدمون الزيوت العطريه لعلاج أشياء مثل القلق أو الصداع والأرق وهالأمور )
 .
المنتديات العربيه أشوف الناس يقولون أنهم يبخّرون البيوت عادي وبعضهم يدخّنون والطيور موجوده، والصراحه حرام =( 
وأنا أبحث قرأت أن جهازهم التنفسي الصغير هذا حساس جدا ً والروائح ممكن يمتصها جسمهم بالكامل مب بس عن طريق الأنف، عن طريق الجسم نفسه.
 .
لما يكون فيه بخور في البيت أو فواحات وعطور قويه أقفل باب غرفتي على أوز وأفتح الشباك شوي..
اشتريت منقي هواء لغرفتي علشان هو يستفيد وأنا استفيد
( منقي الهواء المناسب له مواصفات معينه الي يبغى يعرف أكثر عن نوع المنقي المناسب يقول لي، ماحبيت أطول الموضوع وأدخل سالفتين في بعض طالما ماحد سألني)
 .
فيه طريقه سهله يحبونها الأجانب يحطون على نار هاديه قدر فيه مويه يتركونها تغلي ويحطون معها قشور برتقال 
وعيدان قرفه أو أي نبات له ريحه حلوه ويتركونه عالنار لحد ما تصير ريحته في البيت كله..
بس أغلب الي يتكلمون عن هالطريقه ساكنين في شقق أبو غرفتين فغالبا ً راح تاخذ وقت طوييل في البيوت الكبيره..
أنا ما أعجبتني طالما فيه أسهل وبخيارات أفضل.. 
.
لقيت في الانترنت أن فيه أشخاص مجربين من فتره طويله تأثير الزيوت العلاجيه على الطيور، هم يستخدمونها
لطيورهم مباشرة ، مثلا ً زيت معين يستخدمونه لما يكون الطير مرتعب أو متوتر، زيت آخر للزكام الخ، أو ينظفون بها القفص كنوع من التعقيم يعني، فيه استخدامات كثير..
.
 budgie ischerzo
.
 الزيوت العطريه العلاجيه   مثلا ً زيت الليمون النقي بدون إضافات، زيت اللافندر ، زيت البرتقال وهكذا..
زيوت طبيعيه ساده ماعليها أي اضافات ولا مركبات مصنعه..
وهي فعلا ًعلاج لأمور كثيره بالنسبه لنا احنا البشر سواء بالاستنشاق أو أنك تحط قطره منه على الجلد في بعض الحالات، شخصيا ً ماجربت غير اللافندر مهدئ جدا ً للأعصاب، وبالنسبه لباقي الزيوت أشوف انطباعات ومواقع كامله تتكلم عن هالشيء..
.
.
.
 أمور لازم تراعيها 
.
بما أني أبي مجرد عطر للفواحه، وجدت أني لازم ألتزم بعدة أمور علشان أستفيد وبنفس الوقت ما أسبب أذى للطائر الي عندي..
.
 lavender oil for budgies
 يكون 100% نقي، مافيه معاه مكونات أخرى أبدا ً، بعض الماركات تكذب وتحط أنه 100% نقي فعلشان كذا الموقع الي جبت منه هالمعلومات كاتبين أن الماركتين الي مجربينها وفعاله هي ( Young Living ) و ( Plant Therapy ) ..
انتبهوا تحطون عطور الفواحات العاديه المتوفره بالأسواق، ولا تحطون أي ماركه مكتوب أنها زيت نقي، شفت حالات اونلاين لأشخاص يقولون أن الماركه الفلانيه مكتوب 100% بس لما تواصلوا معهم زبائن وسألوا لو تصلح للطيور قالوا لهم لا  .. فالأفضل يعني ابعد عن الشر وغني له ، اشتري الماركات المجربه المذكوره ^ وهي موجوده اونلاين.. النوع الي في الصوره فوق ^ جربته وريحته حلوه في الفواحه ومن فتره أستخدمه..
 لازم تستخدم فواحه من النوع المائي أو البارد، لأن النوع الي يبخّر الزيت بالحراره ( أبو شمعه ) خطييير جدا ً ما ينفع، علامة إكس كبييييره ، أساسا ً الشموع خطيره على الطيور ، والاحتراق يولد مواد تعتبر سامه للطيور..
هذا النوع من الفواحات يعتبر مثال مناسب ( رابط ) دوروا على هالنوعيه يعني..
 ما تترك الفواحه تشتغل أكثر من ساعه.. أغلب الفواحات الآن فيها مؤقت، تختار ساعه علشان ما تنسى..
بس بالأيام الأولى الي تجرب فيها الفواحه في نفس الغرفه الي فيها طائرك لازم تجربها 5 دقائق وتطفي 10 دقائق أو ربع ساعه بعدها ترجع تشغلها 5 دقائق، وتراقب هل الطير منزعج أو سلوكه متغير أو لا (من ضمن الأعراض انه يعطس أو يحك وينظف ريشه بشكل مبالغ فيه).. لا تستخدمها يوميا ً، مرتين إلى 3 مرات بالاسبوع مناسب.. 
.
 لا تزيد عن 4 – 5 قطرات من الزيت في المره الواحده.. هالزيوت مركزه وريحتها راح تظهر لا تخاف..
ما يحتاج تصب العلبه كلها، أساسا ً الماركات الي ذكرتها يكون حجم العلبه صغير والسعر شوي معتبر إذا بتضيف معها سعر الشحن لبلدك..
 تجنب الزيوت المستخلصه من حاجات تعتبر سامه للطيور زي شجرة الشاي وغيرها.. وهذي قائمة لبعض الزيوت المناسبة للطيور
.
.
.
 الزيوت المناسبه الغير سامه ( المصدر هذا الرابط
1. خشب الأرز
2. البابونج الروماني
3. اللبان
4. الأوكالبتوس
5. الخزامى او اللافندر
6. كلاري
7. أوريغانو
8. الليمون
9. الجريب فروت
10. جيرانيوم
 .
 .
.
✦ معلومات مهمه عن الطيور ✦
.
لا تتركها طول اليوم في غرفه هاديه ممله بقفص صغير وبدون ألعاب وحاجات ممتعه
ولا تتركها في غرفه مزعجه عند بزران طوال اليوم والاضاءه مشغله حتى بالليل
أو قدام المكيف أو الشباك، لأن تيارات الهواء والشمس المباشره مضره جدا ً للطيور ممكن تقتلهم
لا تحرمهم من الشمس لكن انتبه لا تتركهم فيها وقت طويل، الوقت الي يتشمسون فيه تراقبهم، لو بدأوا يرفعون أجنحتهم بحركه ثابته معناها ارتفعت حرارة أجسامهم وممكن هالشيء يسبب وفاه على طول لو ما نقلتهم لمكان معتدل بسرعه.. 
ما أحب أترك طائري في الشمس إذا كانت حاره..
الطيور المصنفه تحت مسمى الببغاء ( من ضمنها البادجي والكروان ) تعتبر طيور ذكيه وتحب تشغل مخها
تحس بالملل بسرعه، لا تشتريها بدون ما تقرأ عن اهتماماتها..
الملل عندهم قد يتسبب أنهم يبدأون ينتفون ريشهم كنوع من التعبير عن الوحده والملل، وتبدأ تعالجهم وتنشغل بشيء أنت في غنى عنه..
.
بعض الأشياء الي أسويها علشان أضمن راحة الطائر الي عندي 
.
* مع أنه وحيد وما اشتريت له رفيق بس حجم القفص كبير جدا ً وفيه ألعاب وأجراس وسلاسل فيها خرزات وكوخ وكل شيء..
بعض المرات أضطر أطلع ويكون مشوار طويل، فحطيت له جهاز PSP قديم فيه أفلام كرتون وأنمي
وتكون ملونه بألوان فاقعه تجذب انتباهه وفيها ازعاج وبزران، الجهاز معلق على جدار القفص قدامه علشان يتفرج .. 
يعني سينما جوا القفص. بس مقفله استقبال الواي فاي لأن الأشعه خطيره عليه.
صار عنده اكتفاء شنيع، مرات أجي ألعب معاه يطنشني ويجلس يلعب بالألعاب وما يبغى حتى يطلع من القفص إلا لو طفيت الجهاز أو طلعت الألعاب برا القفص علشان يروح يلعب فيها برا ويتحرك. 
.
* يوميا ً أحب أطلعه من القفص يتجول بالغرفه وعلقت له على الجدار أغصان في أماكن متفرقه يلعب بينها.
أطلعه الشمس بين فتره وفتره في الشتاء إذا ما كان فيه رياح برا .. أما في الصيف فأنا أصحى بدري أساسا ً والشمس تدخل الغرفه عند الغصن الي يلعب عليه، وأكون مراقبته علشان ما ترتفع حرارته.
.
* عنده حامل صنعته بنفسي وحطيته على المكتب، مرات لما أتفرج أفلام على الحامل يتفرج ..
.
* صنعت له مرجيحه داخل القفص ووحده برا القفص عند الشباك .. 
* أنظف القفص يوميا ً أو كل يومين لو كنت مشغوله، هي كلها كيس في أسفل القفص تشيله يوميا وتمسح لو فيه بقايا في أماكن ثانيه من القفص.
كيس ثاني عند الشباك وتحت الأغصان الي يلعب فيها، على المغرب يكون هو طفش وقرر يدخل القفص وأنا أشيل هالكيسين أرميها وخلاص، مب تعب..
.
* ترتيب الألعاب والأغراض الي داخل القفص يتغير كل اسبوعين علشان ما يمل..
أنوّع بين الألعاب، الاسبوعين هذي أطلع له ألعاب وأجراس معينه، بعد اسبوعين أشيلها عنه وأنزل له الألعاب الثانيه..
لو عنده في القفص مرايات لازم تنغسل يوميا ً أو كل يومين لأنها تتلوث بسهوله وهو يلعب معها ويحاول يعطيها أكل ..
الألعاب تنغسل بين فتره وفتره برضو.. والغسيل ما يكون بمستحضرات الغسيل العاديه، أنا مخصصه له بخاخ فيه مويه 
وقطرات يا إما خل أو قطرات قليله ديتول بما أن ديتول قايلين أن منتجهم آمن للحيوانات والطيور، بس للاحتياط أشطفها مزبوط علشان ما يبقى ديتول أو خل في الألعاب والمرايا..
* مره في الشهرين أو 3 شهور أشيل القفص بكبره وأغسله تحت الدش وأعقمه بألعابه وكل قراشعه وأحطه في الشمس تعقمه وتنشفه..
 .
فيه ناس يقولون وش هالشغله والكرف؟ بس لا تشتري كائن حي وتصفه زي المزهريه بالبيت ..
لما يموت أكون واثقه أنه عاش أحسن من عيشته في أي مكان آخر.. 
. 
oz budgie ischerzo