DIY room decor



 ~ صباح الخير ~ 

 
أخيرا ً حصلت فرصه اشتغل على هالتدوينه علشان أشرح طريقة صناعة زينة للغرفه..
الفكره معروفه في الانترنت ومب من اختراعي لكن التزيين الي داخلها يختلف من شخص لشخص..
 
( بعد ما خلصت تدوين وجيت أراجع يمين بالله حسيت باتمان الي كاتب وشارح التدوينه، وش هالكآبه !! *موسيقى باتمان* )
 
في يوم من أيام الخريف وأنا أطل من الشباك شفت شجرة في حوشنا متحمسه وناثره أوراقها ولونها كان برتقالي مشع مع الشمس..

جذبني ونزلت أجمعها

 بس ما كنت أدري وش أسوي فيها فقررت أسوي الشكل الهندسي هذا علشان ألمّها فيه .

 
** التصوير فيه إعاقه في الأبعاد، تصوير اكسبيريا إكس زد فيه هالحركه ويقصدون أن لها فايده في تصوير الأماكن البعيده، ولها حل بسيط بس ما كنت أعرف الحل وقت التصوير ..
هذا الشكل الهندسي تقدرون تشترونه من برا لو تبغون..
بس أنا أعترض عالأسعار الي عندنا، مره دخلت محل ولقيت قطعه سحرتني وجيت أشوف السعر لقيته 200 ريال ! 
لو أتسوق من هالأماكن مرتين بس باضطر أبيع كليتي علشان أزبط غرفتي، رجعتها مكانها وقلت أحسن أصلا ً عادي أعرف أسوي زيها..
 
  : الأدوات – you’ll need :  
 

 
مسطره – عيدان الشوي (الشواء) – قلم علشان نحدد المقاسات على العيدان الخشبيه – صمغ مسدس 
– ألوان أكريليك أو بخاخ باللون الي تبونه مثلا ً ذهبي أو أسود أو أبيض – مقص أو شيء حاد نقطع فيه الأعواد..
 
Ruler – BBQ sticks – Marker or pen – glue gun – acrylic colors or spray paint – something to cut 
the wooden sticks 
 
ويستحسن يكون فيه سفره أو كيس نشتغل فوقه، اليوم مكتبي راح فيها وتخدش وتبقع بالألوان <– فين عقلك؟
 
 
 
 
               ………………              
 

 
نقص الأعواد الخشبيه إلى 6 قطع بمقاس 6 سنتيمتر <– تقدرون تغيرون عادي
نقص أعواد مره ثانيه إلى 6 قطع اخرى بمقاس 8 سنتيمتر 
نقص برضو مره ثالثه 6 قطع بمقاس 5 سنتيمتر 
وباقي 6 قطع أخيره تقريبا ً مقاس 15 بس ممكن تخلونها للأخير وتشوفون الحجم النهائي لو تبغونه أطول أو أقصر من فوق..
 
 

 
لصقوا الأعواد الي مقاسهم 6 سم مع بعض بهالشكل السداسي، والي مقاسهم 8 لصقوهم في شكل سداسي آخر منفصل..
الي مقاسهم 5 سم نتركهم على جنب للخطوه الجايه..
 
 

نجيب السداسي الصغير أبو 6 سم ونبدأ نلصق عليه الأعواد الي مقاسها 5 سم بهالشكل الي بالصوره..
حاولوا ما تكون واقفه بشكل قائم ، خلوها مايله لبرا شوي علشان يركب عليها السداسي الكبير من فوق..
لا تشيلون هم أنها تكون دقيقه 100% شوفوا حوستي شلون، بس إذا صمغتوا الجزء الي فوق راح تتجمع شوي ..
 
 

يفترض بعد ما نلصق السداسي العلوي فوق الأعمده نحصل على هالشكل ..
 
نقص 6 قطع أخيره من الأعواد، كل واحد منها طوله 15 سم أو ممكن تختارون الي يناسبكم..
بس يستحسن يكون مدبب من فوق زي الي في الصوره، بس لو مو متوفر مب مشكله..

 
علشان نركب الأعمده الأخيره الي مقاسها 15سم وتكون متوازنه نبدأ نركب كل عمودين متقابلين سوا
زي الصوره الي عاليسار اخترت زاويتين متقابله وبدأت أوازنها، وكملت الباقي بنفس الطريقه 
لحد ما كملت الشكل ( الصوره الي عاليمين )
** you can use spray paint to color them or acrylic colors which is easier for me
and use your imagination to create your own touch..
 
نرشها بالبخاخ برا البيت بهالبرد ونتركها تجف أو نلونها بألوان الاكريليك أو أي ألوان مناسبه..
القديم الي سويته من فتره كان لونه ذهبي وحطيت فيه أوراق شجر جافه برتقاليه واضاءه صغيره بالبطاريه ووزعتهم ..
 
الثاني لونته أسود وحطيت فيه أحجار وشمعه ونبته صغيره، ينفع هالشيء للي يبغى يسوي له مكان مريح نفسيا ً 

سواء للاسترخاء أو حتى لو منظر للعرابجه الي ما يسترخون ..

وممكن تقسمونها من النص يعني تصير نصفين متطابقين وتعلقونها عالجدار ( زي كذا

تقدرون تشوفون أن شغلي زي وجهي وفيه أخطاء بالذات في الأسود لأني سويته وأنا مستعجله ومعصبه %^#&^%بس ما يبان مع التزيين ، وبرضو بالامكان تجنب الكوارث والعمل في بيئه مسالمه ومريحه *تلكم الجدار* 

عاد أكيد بتطلع معكم أفكار حسب غرف نومكم وألوانها وثيماتها وكل شيء..
أتمنى ما يكون شرحي الي يجيب المرض والتصوير المريع مانع لكم أنكم تجربون 😁

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.