Hologram Project DIY

مساء الخير
 أكيد مر عليكم في النت هذا الشيء الجميل

هذا بروجكتر مصغّر يعرض صور هولوغرام..
الهولوغرام صوره مجسمه أو ثلاثية أبعاد لشيء معين لكن تكون بالضوء يعني مب محسوسه أو مادّية..
 
جربت وسويتها في البيت قبل سنتين تقريبا ً وكانت ممتعه بشكل لا يوصف، وسهله ما تاخذ وقت أبدا ً..
 
 ♥ الأغراض المطلوبة ♥ 
 قطعة من الورق  ( أي نوع لو ان شاء الله مكبوب عليها شاهي، نحتاجها في البداية فقط لأخذ القياسات )…..
 قلم رصاص ……………………………………………………………………………………………………..
 قلم حبر أو خطاط أو أي شيء يؤدي نفس الغرض……………………………………………………………..
 مسطرة …………………………………………………………………………………………………………..
 لاصق شفاف أو صمغ ( لو فيه صمغ المسدس أحلى وأحلى ) ………………………………………………..
 ملف شفاف الي يحفظ الورق، اشتريته من المكتبه، فيه ناس يستبدلونه بغلاف الـCD بس التعامل معاه صعب
هنا صورة للملف علشان لو ما فهمتوا قصدي ( رابط )
وأخيرا ً تحتاجون جوال D:



نرسم على الورقه هذا الشكل 

 القياسات على الانترنت بعضها غلط ويطلع بعد كل التعب فيه مشكله..

فحطيت لكم مقاساتي لأني سويته كبير شوي..
الضلع الي في أعلى المثلث طوله 1 سم 
الخط العمودي المتقطع الي في النص طوله 3.8 سم تقريبا ً
قاعدة المثلث الي تحت طولها 6 سم
الضلعين الي على اليمين واليسار مفترض يطلع معاكم 4.5 سم..
 
بعد ما نرسمها نقص الشكل 
ونحطه فوق الغلاف الشفاف المقوّى الي عندنا، ونرسم عليه بالقلم الخطاط هالشكل 4 مرات ونقصها..
ليش قلت خطاط؟ علشان الغلاف الشفاف يزلق وما نقدر نكتب عليه بالرصاص، يعني اختاروا أي شيء تكتبون فيه عادي
بالأخير بتمسحونه بمنديل ويروح.. والورقه البيضاء الي رسمنا عليها بالرصاص ممكن نرميها خلاص بعد ما نقص القطع الأربعة..

نبدأ نلصق القطع الأربعة في بعض مثل هالشكل:

يصير بعدها فراغ بين آخر قطعتين علشان نلصقهم بنلاحظ أننا نحتاج نقوّسه بحيث يصير شكل هرمي كذا :

 
تمام؟ من تحت فتحه مربعه وياحبذا تكون متساويه يعني مب زاويه طالعه وزاويه داخله، لأننا نبغاه يوقف بنفسه..
 
خلصنا ، نفتح على الجوال هالرابط مثلا ً ( هنا )
أو نكتب في اليوتيوب hologram pyramid 3d video
نحط الجوال على سطح ثابت ونحط البروجكتر الي سويناه في منتصف الشاشه ونشغل المقطع..
 
 
هذا الفيديو صورته اليوم ومعليش على الرعاش وأنا أصور، جالسه أصور في وضع غبي وزاويه مدري وش الي حادني عليها..
استمتعوا ♥

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.