يسمعون بالأسلوب !

 

لابد اني أقول هالسالفه لأنها من السوالف الي مايروح أثرها إلا إذا تكلمت عنها وسمعت آراء..
هالشيء تأجج في نفسي اليوم بينما أنا منسدحه أفكر في المطر وأقول ( نفسي أوقف في المطر فتره طويله ) <– برد يا فله
بس بعدها تذكرت أن هالشيء حصل من قبل وما كان شيء سارّ !!

المقدمه تحسسكم أنها سالفه خطيره 😂😂 ترى مب سالفة كبيره بس تخليني أعصب كل ما أتذكرها
علشان كذا قلت أشوف وش رايكم انتم

في أحد الأيام الماطره، بعد الاختبار طلعت انتظر أخوي يجي ياخذني..
وما أتذكر هل كان الاختبار سيئ ولا إيش الي حصل بس كنت متضايقه لأبعد الحدود والأخ الفله متأخر عليّ فوق هذا..
قلت له الساعه الفلانيه تكون عند الباب ! وتعديت نص ساعه واقفه عند الباب..
جلست تحت المطر أنتظر وأتصل عليه وجواله مغلق، أتصلت على أمي وأهل البيت كلهم
وكلهم يقولون ما ندري فين راح بس هو طلع من زمان <– حركاته كذا دايم، مب أول مره يسويها الوغد 😠

وبدأت الوساوس، يمكن صار له حادث، وجلست أتخيل الأسوأ وخفت، والنفسيه صارت في الحضيض وبقي لي تكه وأنفجر
جاتني وحده أشوفها متجهه عندي مب رايحه للشارع

حزروا ايش؟
جات وحطت يدها على وجهي بطريقة حسيت أننا نصور فيلم رومنسي .. دقيقه أوريكم صوره تشبه الموقف علشان تنصدمون معي..

حاطه يدها كذا تخيلوا !!! وتقول لي ( الجنه غاليه! )
أنا مارديت لأني مافهمت، هذا سؤال ولا سالفه باقي بتكملها ؟ قلت لها ( هاه؟ ) <–أبو الدلاخه انتي بعد
رجعت تعيد جملتها ( الجنه غاليه !)بعدين فهمت أنها تبي تنصحني وقصدها تدخل دخول مسرحي عظيم بمقدمتها الدراميه ( الجنه غاليه )
واكتشفت أنه سؤال وليس سالفه .. لكنه سؤال سخيف زي مقدمتها ودخولها البيض..والرجال في الشارع كلهم يطالعون فينا، شكلهم يحسبوننا ليزبيانز جالسين نودع بعض..
ولشدة صدمتي كان استيعابي بطيء، وأدركت أن يدها لسه على وجهي 😂
رحت بعدت يدها من وجهي وقلت ( ايوه؟ ) لأني جد انخرشت، وش هالبنت ؟
قالت ( ليش الاستهتار بالحجاب؟ وbla bla bla ) <– ما أذكر وش قالت لأن الدنيا فجأه صارت بريال عندي
وكان نفسي أطعنها ، نااااقصتك الحين؟ ألاقيها منك ولا من أخوي والمطر الي بيخليني أمرض بوسط اختبارات؟
انتي في وادي وأنا في وادي !! كانت خانقتني العبره من الموقف الي أنا فيه من قبل لا تجي <– انفجار هيروشيما داخل عقليبس رجعت لرشدي وقلت لها ( جزاك الله خير ) ولفيت وجهي لجهة الشارع أكمل انتظاري علشان تنقلع عني..

بس هي باقي مصره !!
والمشكله أشوف بنات طالعين من المركز عبايات مفتوحه وعطورهم أشمها لين بيتنا ومكياجهم كأنهم في زواج
^ ما أقصد أحكم عليهم لو غلط أو صح، بس قصدي أنهم كانوا مبالغين أكثر مني

لكن ممكن علشان أجسامهم ضخمه ما تتجرأ عليهم 👀 جايه عندي وحسستني أني لابسه ملابس السباحه وطالعه الشارع !

ما أدري وش أقول ، قال لك اسلوب يعني؟
متدخله في خصوصيتي ولو هي تبغى تنصح كان راحت للباقين وش معنى جايه عندي وأنا ما لفتّ انتباه أحد؟
المشكله لي نص ساعه وأكثر واقفه عالشارع وماحد يناظر لي، لين جات هي بالمشهد المخل الرومنسي حقها
صاروا كل الرجال يناظروني حتى بعد ما هي راحت ..

الواحد يتعلم آداب البشر قبل لا يطلع الشارع، تمد يدك وتمسك وجه أحد هي أكثر حركه ممكن تسويها إذا بترفز أحد وتفوّر دمه وتنبقس..
والله أفكر لو ما كنت متضايقه من قبل كان ممكن يصير ردة فعل سيئه أندم عليها؟
لو كنت فرحانه ومبسوطه والجو حلو وجات فجأه تنكد علي وأنا في كامل قواي العقليه والنفسيه، وش ممكن يصير؟

^
ترى مستحيل أضربها يعني، بس الصوره تبرد الخاطر ههههههههه

اوكي، هل الموقف هذا عادي، تجي وحده من آخر الدنيا تمسك وجهك وتتكلم معاك؟
لو مكاني وش بتسوون؟ معي حق في زعلي من سالفة اليد ذي ولا عاديه؟
ملاحظه، الموضوع مب على سالفة أنها تنصح، مع أن لبسي كان ساتر لأنه برد ومافيه شيء تنصحني عليه
بس أتكلم عن حركة اليد البايخه

8 thoughts on “يسمعون بالأسلوب !

  1. ييييييييييييييييييه بكره نوعية البنات دى و بقوووووه , خصوصا لما واحده تحاول تلطف بى وتحط يدها على وجهى بحس انها منافقة جدا او بتكون بتلطف بيا علشان تستغل ضعفى وتعرف حاجة معينة تبغى تعرفه ! وصار فعلا مواقف زى ده كتير معى ..ذكرتينى بموقف صارت معى من شهر سابق تقريبا كانت بنت لسة جديده .. مو جديده يعنى بس هى من شركة وانا من شركة و بابا انضم شركتين فى مكان واحد .. المهم البنت دى اسلوبها غريب يعنى كل ما تكلمنى بتكلمنى بقوه يعنى مثلا لما تفتحى موضوع معين تروح تتهجم وكانها تعترض وتحسسنى بالذنب .. مابعرف ليه بحس انها بتستحقرنى لول , فجت يوم بتقولى هودى بدى اقولك شيئ , انتى ليش لبسك كذا ؟؟ انتى ليش تصرفاتك كذا ؟؟ اصل دايما كل ما اشوفك مع والدك دايما بتكونى متوتره وتصرفاتك تتغير .. اصل انا براقبك .. وشكلك مدى واحده عندها 50 سنة .. مجرد ماسمعت منها تقول كده روحت تناظرت لها بالقرف ولله ههههههههههه وقلتلها ليه يعنى انا عادى , تقولى اصل بصراحة اخاف اتصاحب عليكى , من وقتها مافكرت اقترب منها لان فهمت انها غيرانه منى او بتحقد ! انا البس براحتى اتصرف براحتى مابدى حد يدخل خصوصايتى وهى اصلا واحده مستفزة ماشية زى عريانة لا بتلبس حجاب صح وشعرها باين وبنطلون اللى لابسها عامل زى شراب “جوارى” , وربى كرهت البنات , على كل حالعجبنى تصميمك الجديد وشكله حلو وهادى ^^

    Like

    1. @@, @@,
      افااا سالفتك مستفزه أكثر من سالفتي هههههههههههه
      حسيت سالفتي صارت كيوت الحين
      ايش هالبنت؟؟؟؟؟!! يا ساتر تعيب عالناس وناسيه نفسها؟

      ياخي الناس وربي ماعاد يستحون، يا إما تجيك وحده تقول لك اتقي الله وتحط يدها على وجهك وانتي ما سويتي شيء غلط
      أو وحده عايشه حالة إنحلال أخلاقي وتتفلسف علينا ومب شايفه منظرها المزري وحالتها اليائسه لجذب الانتباه

      ههههههههههههههه وصفك لها خلاني أعرف هالنوعيه من البنات
      < — جاني غثيان بس كيف يعني تخاف تصاحبك؟
      هذي سالفه كان مفروض ناديتيني سكايب وعلمتيني التفاصيل < — ياليل اللقافه
      ♥ ♥ ♥ ياااااااااحبي انتي !!! تسلمييييييييييين بينكييييي
      انبسطت ان التصميم عجبك مع أنه لأنمي مايخش مزاجك
      من ذوقك ياقلبي ♥ ♥

      Like

  2. ده العادى عندنا ! فعلا اخلاقهم باظت و خربو عقول المجتمع .. وانا حاسة بقيت واحده منهم ههههههههههههههههههههههههههههههه الله يسترها عليا و يهدينى مابعرف حسستنى عندى قرنين و اطلع فمى قاذف اللهب و احرقها اذا اغضبتنى او يمكن شكلى مخيف لدرجة هخطفها و اغتصبها ههههههههههههههههههههه >> اووووت بقوهالله يسلمك قلبوو ^^ , هههههههههههههه هو صحيح ما بتابع هذا الانمى ولا بحبه بس كتصميم اعجبنى 😀 تابعى ابداعك و خلينا نشوف جديدك ^^

    Like

    1. لا والله بسم الله عليك من أخلاقهم وتصرفاتهم 😂😂
      بالنسبه لها تتوقع كل البنات عباره عن مخلوقات تتمجغ زي العلكه في كل مكان، فيمكن خافت منك لأنك مب مثلها ملتويه أو لابسه ستين مليون قناع

      😂😂😂😂 اوي خيالك توسع بعنف

      يسلم عمرك يارب ♥
      ونستيني والله على سالفتك 😂😂

      Like

  3. ماتنلامين معاك حق تزعلين .. الصراحه اسلوب ينرفز، ونصيحه مشبوهه 😐 هذا اذا اصلاً اعُتبرت نصيحه  استغرب والله من الناس اللي يحسسوني ان ربي موكلهم يحاسبون البشر عنه .. فيحشرون انفسهم في خصوصيات غيرهم من باب النصيحه.. من جد هالنوعيات يظلمون الدين بتصرفاتهم وأساليبهم

    Like

    1. من جد ما تعتبر نصيحه طالما مو محصله شيء تنصحني فيه وجايه تسألني عن الحاجات الي طايحين فيها البنات والعبايات الملونه ومدري وشو، وش دراني عن أمهم اسأليهم.

      بقوووه يحشرون نفسهم في الخصوصيات، وبأسلوب مخيس وفي توقيت أخيس
      🙁 الله يهديهم ويرزقهم الوعي

      Like

  4. انظري للجانب المشرق، يعني من جد كويس انه صار لك هالموقف عشان تتعودين في المستقبل على الأساليب المريضة اللي تتكرر في النصح ويصير تقدرين تتصرفين وتردين وتبردين خاطرك فيها.قبل فترة قرأت في تويتر وحدة تشتكي انها كانت في السوق وشوي تحس يد باردة في رقبتها، هي انجلطت من الرعب لما لفت لقتها بنت تبغى تنصحها عشان تغطي رقبتها -_-يعني كثيرين يتبعون أسلوب الدباشة الله لا يبلانا، مدري كيف مسوين حريصين وهم ما تعلموا أبسط قواعد الدين وهي الأخلاق واللين.. حتى فرعون ربي قال لموسى يقول له قول لين فما بالك احنا بينا يا المسلمين!!الله يهديهم بس.

    Like

    1. هههههههههه ماشاء الله مافكرت أنظر لها بهالشكل

      @@, !!!!!!
      تخيلت نفسي مكانها ! رععععععععب

      الله يهديهم 🙁 صح كلامك والله

      Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.