……..S.O.S…. ERROR ..

 616c0-cry-baby-playing-the-guitar-in-classic-cartoon
ما أقدر أذاكر !
ما أقدر أنام !  
ما أقدر أشوف أفلام !
الأهم من هذا كله اختباري الثلاثاء وما ذاكرت شيء
بالعاده أخير نفسي بين اختيارين:
1 –  تذاكرين زي الناس !
2 – بلاش مذاكره لكن تستمتعين بالوقت الي تضيعينه !
هالمره ما أقدر أقنع نفسي بهالخيارين 
وأسمع صوت من بعيد يشبه اغنية العيد
“ومن العايدين ومن الفايزين.. ان شاء الله” <<— محمد عبده الي غناها ؟ ..
اغنيه مخيسه بس ارتبطت بالعيد ما باليد حيلة..
——–
شيء ثاني مسبب لي اكتئاب =(
بالعاده أصبغ شعري بنوع صبغه ممتاز ولطيف عالشعر ..
اليوم رحت مستعجله وأخذت من نفس الماركه بس نوع ثاني وعليه أمونيا 
وحاسه اني ظلمت شعري ما يستاهل هالعنف كله..
——–
نرجع لسالفة المذاكرة..
من بدأ الترم وأنا أذاكر وأستعد للاختبارات 
يوم جاء وقت الجد لقيت نفسي خلاص طفشت..
المشكله مع اني بدأت من بدري ما خلصت كل المواد..
——–
اليوم اكتشفت معلومة جديدة بالنسبة لي!
الحليب المنتهي صلاحيته من يوم أو يومين بالكثير ما يسبب مشاكل كبيرة
كنت أحسب أنه يسبب تسمم أو مشاكل كبيرة علشان كذا أخاف من الحليب وأنتبه لتاريخ صلاحيته دايم.
طلع أن أسوأ شيء ممكن يحصل ، غثيان -_-
الحين كيف أقنع الهمجي الي في داخلي أنه يستمر في النظر لتاريخ انتهاء الحليب؟
——–
نرجع لسالفه المذاكره..
.
.
.
.
.
.
.
.
.
.
.
.
.
.
 
لا ما نرجع خلاص بروح أنام 
.
b8adf-tumblr_mdqgobjqbz1rz2pt4o1_250
 .
اختبار واحد أجيب العيد فيه عادي